8-nji Mart goşgusy

Enelere gynanýaň, çaga-çugaly,
gyzlara gynanýaň heniz çagaka
gurjak oýnan gelin bolup, çagasyn
ýatyrýandan bolup hüwdiläp süýji,
olar nesli dowam etjek doguryp,
emma ownan erkekler,
gara nebsiniň guly,
atyş-atyş, uruş oýnap ulalan,
ýokaryk galdykça ezjek ejizi,
hemem bir özüne diýdirjek uly,
aljak hem talajak eli ýetenin,
urjak ýa agyrtjak dili ýetenin,
hem ýalan sözlejek, görsene muny:
“Biz aýallar üçin edýäris şuny,
döredýäris jennetde ýok şertleri,
gören däldir zemin biz deý mertleri,
eneleri depesine göterýän!”
Hawa-da, dil bitenmişin öl ýere,
ýöne iň ýamany, eliňi çarpyp,
ýylgyrmaly talan diýende "berýän"...