Pida duzagy

Daşmy, kesek, bir halta,
ýaşalmadyk ýaşlaryn,
arkasynda göterip,
diňe pida, süýrelen,
gelýär adam ýanyňa,
ýa oturýar garşyňda,
märekede, meýlisde,
bilip ýa-da tötänden,
ýa-da ýolda saklaýar,
hossaryny gören dek,
garap sagyn, çepini,
çaga ýaly öýkelän,
açýar ähli sepini,
diňlemeli hä berip,
düşünmeli isleýşi,
görşi ýaly özüniň,
gözi bilen pidanyň
seretmeli jahana,
kabul etseň, çydasaň,
ýetik mydam bahana.