Internet gybaty

Ogry bolýar iki hili,
adaty hem sap syýasy,
biri seniň puluň, malyň
ogurlaýar, alyp gidýär,
gije-girim, ýa günortan,
gapyl basyp, göze ilmän,
beýlekisi gelejegiň,
arzuwlaryň çilýär çürkäp,
işiň, güýjüň, aýlygyň-da,
ýele sowrup bilimleriň,
ogurlaýar saglygyň-da,
bukulmaýar, açyk, belki,
gowy bolan bolup ilki...

Bir tapawut, birinjisi
saýlap alýar seni görüp,
tanap gowy ýa tanaman,
ikinjini seniň özüň
saýlaýarsyň sesiň berip,
ýa-da bermän, bolup çaman,
durman durup boljak ýerde,
bahana kän dilde, serde,
täsin ýeri polisiýa
adatyny tutýar käte,
syýasyny gorap mäkäm...