Iliň içi
Doganyň kim, bilmek üçin,
ýa dostuň kim, tanamaga,
kärdeşleriň, duzuň iýip,
oturyşan obadaşlar,
tiredeşiň, tiredeş däl,
gara-gadyr ýolda duşsa,
tanyşlaryň, salam diýip,
sag bol diýip, giren içe,
ýa kim goňşyň, görmek üçin,
agyr günler gerek eken,
gerek eken türmä düşmek,
töhmet bilen, handan gelen,
şahyr bolup oýnan biraz,
ýönesi däl, iň ýokarky,
perişdedi ap-ak saçly,
görmek üçin iliň için,
bolmalymy hökman açlyk?..