Justin Hatçetiň äheňinde

Dükan, kassa, aýal adam
alan apelsinin goýdy,
almajagyn aýdyp yza,
kemsiden dek özün miwe,
men bilýärin bu ýagdaýy,
pul gutarsa, mertebe, ar
bokurdagyn arassalar...

Yzda duran erkek diýdi
alypdyryn biraz artyk,
uzatdy-da kagyz gaby,
apelsinden doly içi,
hasaplaşyp dükan bilen,
pul soraman, bilip taby...

O bir ýerde belli tüçjar,
satyn alýar täze ada,
bu bir ýerde apelsinler
elden-ele geçýär, sada,
göwni gözel, islän kişi
üç sekuntda bolýar adam...