Şaty bolçulygy

Bu belli zat, ýöne biri
ýatlatmaly ýaly günde,
eger-de sen gerek zadyň,
zeruryňy gözlemeseň,
yzlamasaň ýola çykyp,
gelmez özi sorap adyň...

Eger-de sen soramasaň,
däldir durmuş gara ýa ak,
jogap hergiz ýok, oglan, ýok...

Eger-de sen köwşüň geýip,
bagjyklaryn daňyp gowy,
ýagyş diýmän, ýa gar diýmän,
öýden çykyp, ugramasaň,
şol bir ýerde oturarsyň,
diňe bir aý, günüňi däl,
gelejegiň batyrarsyň,
muny bilmek kyn däl gaty,
turup, durup, görünmeseň,
gündiz şaty, gije şaty...