Gulaklaryň hapalama

Adam özün sylamasa,
sylamasa sözün adam,
ýüz-gözüni sylamasa,
sylamasa agzyn adam,
nämeleri diýmez, aýtmaz,
özi bilen ikiçäk däl,
hyýalda däl, il öňünde,
internet bar, päh-päh diýip,
han, soltanyň donun geýip,
boýun, inin sylamasa,
sylamasa aýagyny,
nirelere baryp-gaýtmaz,
tutmaz eli näme kişiň,
sen güýjüňi, kuwwatyňy,
ýa wagtyňy zaýalama,
ýetik ýa-da känkä işiň,
özün açan, aýdan wagty
kimdigini, ýüz-gözi däl,
ýa agzy däl, päli gyşyk,
aýa özüň, ýüzüň, gözüň,
aýa sözüň iň esasy,
gulaklaryň aýa, adam,
hapalama, pese asyp...