Adamlaryň arasynda
adam hakda gürrüň etme,
ýagşy, ýaman, öwürerler,
çöwürerler, adamçylyk,
ýetrirerler gepiň başga,
many berip başga düýpden...

Ýok, bu asla, eger-eger
deňeçer däl, barabar däl,
ýok edilse ikä derek,
üçe derek otuz adam,
ýa ýüz adam ona derek,
müňe derek onlarça müň...

Tanadanyň gowy, oglan,
tanatmasaň, niçik bordy,
iller göçüp gitse Marsa,
galardyk biz göçümizden,
gülerdiler wah-wah diýip,
çet obada, çölde doglan...

Kim sen, näme diýmän gülüp,
äsgermezlik edilse-de,
basylsa-da üstünden kän,
hiç sesini çykarmaýan
dymýan adam uzak, agyr,
basgylanan mertebesi...

Seniň ömrüň nirä gitseň,
näme etseň, manysy şol,
özüň iýmän, iýip nahar,
aryp ýatsaň agşamara,
dik oturyp ýetmän daňa,
başgalaryň ne diýeni,

O biriniň öz öýünde,
bu biriniň köçesinde,
şäherinde edýän işi,
beýlekiniň döwüp dişin,
ýurtda bolýan ogurlyklar,
talaňçylyk uly, kiçi...

Eger özüň, ýüregiňde bolmasa,
ýigrenmeseň başga birin keýpine,
belki, biraz uzyn görüp özüňden,
ýa saçlaryn güri, owadan görüp,
ýa gözlerin nurly görüp, sözünden,
gürrüňinden many gözläp başgaça...

Ýagyş ýagyp, aýaklaryň,
köwşüň bilen suwa girip,
my11yk edip joraplaryň,
öl edesiň gelmez seniň,
balaklaryň gonjun suwa
degiresiň gelmez asla...

Ol özüne erkek diýýär,
murt goýberýär, sakgaly bar,
telpek geýýär silkip başa,
urlup gelýär gyzy aýda,
çagalary yzan-çuwan,
ol gyzyny goramaýar...

Seniň işiň seniň bölegiň bolar,
beren Alla aýyrmasa, kesmese,
iş ýerinde özün tapman, kösenip,
öz boýundan saýlanmasa, ösmese,
wagt geçirip gaýdyp, düşünmez muňa,
diňe aýlyk günün ýadynda saklar...