Platon aýdypdyr tagta
çyksa bir gün ýurt samsygy,
ilki bilen etjek zady -
lal, jim eder danalary,
soň üýşürer öz ýanyna
akmak bolsa gözläp, tapyp,

Diktatora kömek ediň,
ýardam beriň ýerli-ýerden,
darykmasyn, ogry syrty
gowşak bolar, ýatyp bilmän,
ýüregine agram düşüp,
öňem biri ýaly birden,

Adam özün sylamasa,
sylamasa sözün adam,
ýüz-gözüni sylamasa,
sylamasa agzyn adam,
nämeleri diýmez, aýtmaz,
özi bilen ikiçäk däl...

Žurnalistiň gytçylygyn,
adaty däl, ýazjak bolýan,
etjek bolýan işin gowy,
urulsa-da ýüzüne kän,
etegine salyp başyn,
döredýänler bilýär işin...

Öňem birniň aýdyşy dek,
ýalňyşýarka aýdyp, diýip,
öz-özüni ýykýan wagty,
ýetim, naçar hakyn iýip,
duşmanyna il-ulusyň,
bir seniň däl, berme öwüt,

Sen söweşiň ýeke durup,
söweşýärkäň ýaralanyp,
bir eliňde sargy, biri
ýaragyny gaçyrmasyn,
gelmez adam äbermäge,
eglip bilmän, dursaň dertli...

Diýdi adam telefonda,
işi düşüp, jaň edende,
ol Ahalda, men ýat ilde,
tamam bardy ýurtdan şindi,
sen bilýänem dälsiň bendi,
goly bagly Žitnikowda,

Gowy boldy aýdanyň,
kimdigiňi gönüläp,
şübhe goýman, gümansyz
etjek işiň niýetiň,
diýmelidim oňa men,
bu adama, beýlekä...

Durmuş maňa ýowuz boldy,
urdy durdy ýüz-gözüme,
agzymdaky dişlerimiň
birin goýman, ýeke-ýeke,
çekiç bilen owratdy ol,
ýöne soňy has kyn eken...

Beýle kümsük, beýle näkes bar diýip,
ýyrtylýança ýüzündäki perdesi,
pikir edip, göz öňüne getirip,
aýtsalar-da ynanmarsyň, bilmersiň,
bilim alan, diplom alan, dogrusy,
ene, ata arkasyndan, köp olar...