Iýilmedik ýalan

Nirä barsaň öňüňde
otyr açgöz, üç ýüzli,
bahyllygyň perzendi,
ýa zürýady ýigrenjiň,
köpi gidip, az galan,
özi özüne garşy,
basyp alyp basylan,
agaç dikip hatara,
özi ýüpsüz asylan,
ösenmişin diňleseň,
açyş baryn edenmiş,
ogurlanan, belki-de,
ýa daýanýan öňküleň
eden, goýan işine,
indi olar ýok, galak,
a sen yzda, gülünýän,
çünki iliň bilinýän,
masgaramyş dünýede,
diktatory kemakyl,
olaryňky akylly,
ýa metbugat başgaça
don däl, penjek geýdirýär,
siňe baksaň kän ýalan,
ýöne iýseň iýdirýär...