Ýalan hem galla

Diňe islän zadyň aýtsalar gelip,
Islemäniň ýygşyrsalar, buksalar;
Diňe islän tansyň etseler gelip,
Ýek göreniň üýşüp-köpläp ýyksalar,
Pikir etme dik duraryn hemişe,
Hem awumy aljak bolmaz elimden;
Diňe islän zadyň aýdýan, bilseň,
Ne parh eder iki ýüzli gelinden?

Ýagşy, ýaman, çapak çalsalar diňe,
Hemem ters işiňe diýseler düzüw;
Ynanma sen beýle dosta, ümsüme,
Olar seni halta gapgarýar büzüp,
Soň böwrüňe depmek üçin mazaly.
Gorkma gorkýan zadyň aýdandan, walla,
Iýip galyp bolsa ýalany, aly,
Adam gan-der saçyp ekmezdi galla...