Jaý hekaýasy

Sen hakyňy talap etseň,
gowy adam bolmaýarsyň,
diýýär goja, kemsidilen,
basyp alnan jaýy birçak,
arz edipdir, diňlenmändir,
bilýär, ýene diňlemezler,
sebäbi ol birinji däl,
soňkusy däl jaýy alnan,
maly alnan, hak-hukuksyz,
kagyzdaky kanun bilen,
düzgün bilen durmuşdaky,
ýagny açyk ýalan bilen,
bir düşekde ýaşajagyň,
muny aýtsaň, gahary ger,
ýene daňyp, duşajagyň,
saklajagyň aç-hor, ýesir,
ýöne geň zat ýok bu ýerde,
sen bolmasaň biraz kesir.