Göýdük ýoly

Bolanda nä dogan, doganoglanyň,
daýy-daýzaň, çykanlaryň, ýegenler,
ýa obadaş, ildeş, döwlet işgäri,
iň aşakdan iň ýokaryk barýança,
öz-özüne wekilçilik etmeýän,
öz-özüne ynanmaýan ýaşuly,
ak sakgally, çagalykda galanlar,
soňky nesil, tahýa geýip ulalan,
bile-göre hak ýolundan gitmeýän,
gaçýan yza ýürekdäki ýodadan,
nebis büren professor, pirini,
il adyny gülki eden mähelle,
ýurt adyny gülki eden mähelle
degmez seniň dogry sözüň birine,
aýtjak bolup, ýazjak bolup kösenen,
öz sözüne wekilçilik etmeýän,
çagalaryn salýan göýdük ýoluna,
kesip, basyp, içden gelen sesini,
nätsin halkyň öwrenenin, ösenin?