Ogry karty

Dogry sözliň dosty bolmaz,
ogry bolsaň, başga gürrüň,
egri bolsaň, başga gürrüň,
daşyň mydam adamly bor,
sebäbi sen hiç ogrudan,
iň ýokarda bolsaň hatda,
ýokary ýa artyk dälsiň,
diýdirseň-de beýik, ketde,
ýa-da näçe bolsun güýjüň,
gowşak, ejiz ýeriň belli,
ýa aşakda el ýaglasaň,
bilnip durka edýän işiň,
beýik iş däl, pes, elbetde,
artyk gürrüň etmersiň kän,
gomalsaň-da çöwrüp dükän,
ýaşan bolup dökan-saçan,
dogry sözli artyk gürlär,
kartyn açar, utuljagyn
pikir etmez, göçer kelle,
egri mydam hasaply bor,
boldukça kart gowy elde.