Paralleller

Ogurlyk içinde, talaň içinde,
Bala çümüp ýaşan düşünmez saňa;
Ol saňa öýkeli, öçli diýer hem
Başarsa tozadyp, gömjek bor çaňa.

Alym, berim bilen beýgelen, gülen,
Garyp iliň basyp ýaşan gözüne,
Ýykylanam bolsa öňki ornundan,
Hiç düşünjek bolmaz seniň sözüňe.

Tersine, ýyrtylan toruny sepläp,
Özi ýaly nöker toplar daşyna.
Sen oň syrtmagyny gowşatjak borsuň,
O çekiler täç geýen dek başyna...