Dermansyz dert

O döwletde, bu döwletde,
uly, kiçi, kemçilik kän,
ýalňyşyk kän, ortalykdan
urýan mydam ýeterlik bar,
talaňçylyk, ýalançylyk
alyp gelýär gowga mydam,
açyk ýa-da ýapyk uruş
dowam edýär bolsa adam,
ezijiler, ezilýänler,
daşdan görseň gowy örän,
düzüw pikir, niýetleri,
a ýakyndan - bary ýadan,
bir-birinden bolan bizar,
gorkup ýa-da müňkürlikden,
bir günlük däl çykylan ýol,
iki gün däl, biraz uzak,
adam päli, niýetleri
bir-birine bolýar duzak,
bary hassa, ol eýleki,
bu beýleki diýýär ogry,
emma diýmek hatar mydam,
egrä egri, dogra - dogry.