Dünýäniň terjimesi

Sen iliňi niçik terjime etseň,
şonuň ýaly ýaşamaga başlarsyň,
sen dünýäni niçik terjime etseň,
şonuň ýaly okarsyň ýa taşlarsyň.

Sen okasaň düşünersiň, görersiň,
dogan-gardaş ýa-da başgaň niýetin,
ýöne owal terjime et özüňi,
siňe bakyp biraz, gatalt-da etiň.

Terjimedir dünýä başdan aýaga,
uly, kiçi eder özüçe süýji,
düşünjek bor adam bolan adama,
saklanjak bor bolman ýetýänçä güýji.

Sen illere düşündirme terjimäň,
ýitirme wagtyňy öz sözüň magtap,
kim aramy saýlar, kim galar tümde,
käbirleri günde ymtylsa ýagta.