Intelligent ikiligi

Çapar, habar getiren,
gowy habar däl, belki,
bilinmeli bigüman,
aýdylmaly aç-açan,
çapylsa ýa susdurylsa,
ýokarlarda birleri
bolmasa-da ýokarda
kanunlardan, kagyzda,
belli, sorag döreýär,
galarysmy güň bolsak,
güň bol diýse ol adam,
ýa bu adam, ordenli,
ýa biz galsak, çagalar
aman bormy birigün,
bilinmese habarlar,
gördük näme bolýanyn,
eden-etdi, gabyrlar
sanamaýar alýanyn,
ýok, beýle däl, gowy-la,
diýsek dowul gerek däl,
öz-özümiz aldasak,
bolan bolsak sabyrly,
kanagatly, çekilip,
Ýaradana, aň-üşük,
göz, dil beren, söze baý,
etmek dälmi ikilik?