Azaşmajak adam

Tüweleme, azaşmak
aladasy ýok kişiň,
ýa gaýgysy, gamy ýok,
gijä galmak, eglenmek,
sebäbi hiç ýere howlukmaýar ol,
ýa-da barjak, görjek ýeri ýok asla,
gitmekçi däl ertir ýa-da birigün,
üstesine giden-gelene baryp,
sorajak bolanok, biljek bolanok,
neden beýle gara başagaý iller,
aýtmasy kyn, gynanmaly adammy,
gözüň gitmelimi ýa-da,
adam gören ýaly seretseň daşdan,
a siňe seretseň, adamsyz ada.