Ahlaksyz ahlak

Il gözüne, sözünde,
ýa işinde elmydam
bolan bolýan ahlakly,
gülen bolýan azana,
emel ýetip iki gün,
eýe çykyp gazyna,
nebitine milletiň,
seret, synla boluşyn,
düzüwmi öz niýeti.

Seret siňe, el berse,
ýa galdyrsa ýykylsaň,
ýa goldasa dilinde
öz ýurdunda ýesiri,
urulýany depeden,
gyrylýany garawsyz,
ýürekdenmi, nep üçin,
ýa görünmek isleýär
gowy bolup, aslynda
bar gaýgysy özüdir,
uzakçyl däl diňleseň,
galpy açjak sözüdir.