TDH-a näme bolýar?

"Türkmenistan Altyn Asyr" saýtynyň 29-njy awgustda çap eden bir habaryny (Owganystanyň wekiliýeti Aşgabatda birnäçe duşuşyklary geçirdiler) 30-njy awgustda, ýarygijä çenli 1396 adam okapdyr. Sözbaşydaky ýalňyşy okyjylaryň özlerine goýup, habaryň birinji sözlemini okalyň:

"Şu gün ýurdumyzda saparda bolýan Owganystanyň Magdan we nebit önümleri ministriniň wezipesini ýerine ýetiriji H.Badriniň ýolbaşçylygyndaky wekiliýetiň agzalary paýtagtymyzda geçirilen duşuşyklara gatnaşdylar."

Bu sözlemi täzeden, kabul edilen kadalaryň talaby esasynda ýazmaga synanyşalyň:

"Owganystanyň Magdan we nebit önümleri ministriniň wezipesini ýerine ýetiriji H.Badriniň ýolbaşçylygynda ýurdumyzda saparda bolýan wekiliýetiň agzalary şu gün paýtagtymyzda geçirilen duşuşyklara gatnaşdylar."

Ösen sosializmiň ýetişdiren waspçylary gutaryp, olaryň ornuny çüýreýän kapitalizmiň ýetişdiren waspçylary doldurýarmy? Ikilikçi, idili sözlem hem düzüp bilmeýän waspçylar?!.