Uzaga çeken gahar
Rahym Eseniň hekaýasy
Bir gün kameradaşym kikir-kikir gülýär. "Näme beýle böwregiň bökýär, aýt, bile güleli?" diýdim. "Aýtsam, siziň gülkiňiz tutmaz, gaharyňyz geler" diýýär-de, ýene kikir-kikir gülýär. "Aýt, gaharym gelmez" diýip söz berdim. "Aýt diýseň - aýdaýyn: men-ä bir neşekeş, neşe satyp tutulan, siz bolsa bir il içinde tanalýan abraýly ýazyjy, ençeme ýyllap kitap ýazyp, kitabyňyzy çap etdirip tutulan. Ýöne ikimizem adybir tussag. Şuňa gülkim tutýar, he-he..." Sözümde durup bilmedim, gaharym geldi. Ýadyma düşse, şindem tisginýän.