"Admin bolasym gelýä"
"Ýegen ujy ýagy, ýagam bolsa gowy." Türkmen nakyly
Ýa hudaýdan, ýa bendesinden, düşünmesi we belli bir zat diýmesi kyn, emma uzak ýyllap ýapyk duran ýurt derwezesi birden az wagtlyk açyldy-da, döwlet metbugatynda "dönük", "haramazda" diýlip näletlenen dissidentiň çagalaryna ölmän galan atalary, mamalary bilen görüşmek mümkinçiligi döredi. "Geçä jan gaýgy, gassaba - ýag" diýleni. Ýegenleriň biri pursatdan "hyýanatçylykly peýdalanmaga" çalyşdy, ýagny olaryň Germaniýadan "şkolorşipli okuw" tapyp bermegini sorady, emma "dil bilýäňmi?" diýen soragy gaty gördi. Soň ol internetde websaýt ýa blog açyp bermeklerini sorady, ony näme etjek diýseler, "admin bolasym gelýä" diýdi.