Gözlenýän zat

***
Ol hiç üýtgemedi, başgalaryň üýtgärine garaşýar.

***
Millionlaryň sakasyny goramalymy ýa-da öz çeşmäňi?

***
Populist bolmasaň, aňsyz mähelle arkaňda durmaz.

***
Durmuş gysdy. Elini açsa - ýüregi agyrýar.

***
Stalinçi syýasatçy: "Adam hukuklaryny goramak isleýärin!"

***
Çilim gytalansoň, döwlet gazetlerini "okaýan" köpeldi.

***
Ozleri ýaly, iş adamlarynyň hudaýy-da biznesmendir.

***
Baý bilen garybyň ýüregi-de, dili-de başgadyr.

***
Göwni ýarym. Söz diýmedim. Depäme berdi.

***
Içiňden diri klassyk bolmasaň, ýazyp nätjek?

***
Eseri düşünmeýänler ykrar etmeli bolsa, waý!

***
Uly ussady, baýrak berip, kiçilere deňlediler.

***
Özüňden çykyp, kämahal özüňi-de görüp bilseň.

***
Hudaýy çagyryp, bizar etme, başgalara-da ýetişsin.

***
Syladym. Baý hantama, garyp beg saýdy.

***
Pesiň eli gelse, özüne çenli peselder.

***
Samsyk bilen sanaşsaň, ol-da edeniňi eder.

***
Adalat. Tussagyň gutabyny türme sakçysy ogurlady.

***
Türkmen: Başgalar ajyksa - gaharlanýar, biz şatlanýarys.

***
Žurnalist. Näme diýseň, "nätjek, çydamaly-da" diýýär.