Bentler

Zeýrenme başgadan, bilseň
Saýgarjak bol öz aýybyň;
Durmuş – umman, kenara çen
Çeker her kim öz gaýygyn.

***
Tamakin bolma adamdan
Ýagşylyga, hatda söze.
Başarsa kemsider egsik,
Bolmasa çöp atar göze....

***
Ejiz başga birne bolýan mahaly
Oýun ýaly garar durmuşa daşdan;
Özüne bolanda aljyrar, çaşar,
Hemem özün bulap urar ýanbaşdan...

***
Il içinde görüp, egni gysyga,
hem durana hemmäň öňünde gagşap,
gynandym, öýünde arslan ekeni,
aýalyna, çagasyna her agşam...

***
Adama hiç göwniýetmezlik etme,
ysnat diýme, iş gelmeýän elinden;
iň bolman gybata ökdedir örän,
öý ýykýandyr awy saçyp dilinden...

***
Kiçijik adamyň duşmanam kiçi,
Ulaldykça uly bolar duşmanyň;
Bu jahanda bolma iş etjek bolan,
Bolan bolsaň, bolmasyn soň puşmanyň!