Aşgabat hakykaty

Ýeri, dykdyň näme agzyny iliň,
türme bilen, töhmet bilen gorkuzyp,
ýurt içinde, daşda bükülen bili,
aýdyp dur-a manat näme bolanyn,
ýa işsizler, ýüz däl, müň däl, ýüz müňläp,
ýurtdan çykan, gürlemesin, ýaşynsyn,
ol ülkede, bu ülkede habarlar
aýdyp dur-a kimiň nirde galanyn,
gümrükçiler, serhetçiler, gapyda
ýol urýarka gaşyn çytman, aç-açan,
ýa-da "Watan" aýdyp durka oýnatgy
aý-ýyllaryn näme bilen geçirýär,
ýa köçeler, boşap galan Aşgabat,
gürläp dur-a, aglap dur-a, dat-bidat!..