Polisiýa maşynynda ýazylan goşgy

Olaryň elleri gowy ýaragly,
boýlary-da uzyn seňkiden gowy,
maşynlary gurat, döwlet adyndan,
kanunyň adyndan saklarlar seni,
ýöne senem bilýäň, olaram bilýär,
gep, mesele kanunda däl hiç haçan,
gep seniň jübiňde, çagalaryňa
alyp barýan iki şaýy puluňda,
ýa-da sagadyňda, bolsa-da arzan,
sen ony bermeli, soradyp däl-de,
özüň sorap, ýalbar-ýakar biläni,
sebäbi her zadyň bolmagy mümkin,
olar paýyn alyp, gülüp gitmese,
seniň ölüp gitmegiň-de mümkin zat,
ýa bir batga batmagyň-da mümkin zat,
olar näme diýse, ýazylar, işlär,
seniň sözüň, subutnamaň işlemez,
muny senem bilýäň, olaram bilýär,
dünýä bilýär, ýöne dymýar, sebäbi
hemme ýurtda adam adamda ölýär.

1997, Moskwa, 2024, Praga.