Başyňa iş düşse

Başyňa iş düşse, dogan, dosty-ýar,
Goňşy-golam geler, il-güne dönseň.
Emma başa döwlet düşse terrorçy,
Kimse gelmez niçe ýansaň, örtenseň.

Ýa gelerler garaşmadyk ýeriňden,
Bukulyp, ýüzlerin garaňka tutup;
Diýerler: “Sen ony et-de-muny et,
Belki, şonda bir gün bilersiň utup!”

Oturarsyň, oýlanarsyň, gelersiň
Şeýle bir pikire, gowy däl, dogry:
“Her kim öz ýanyndan gurjakçy ussa,
Her kim yzda durup, turuzjak gowry.”

Meger, şondan ynanmaýar hiç kimse
Beýlekiniň ýagşy niýet-päline;
Millet dymýar gürlemeli ýerinde,
Ýa “hak” diýýär tüpeňliniň däline.