Medally hökümet

Ikiýüzli üçin medal,
orden bolsa, gysganylmaz,
at-dereje alar olar,
wezipeli bolar olar,
käte diňe bir, iki däl,
üç-dört orun alar olar;
ikiýüzli, iki sözli
ikiýüzli hökümete
bir sözlüden iki ese,
ýa ýüz esse gerek bolar,
o hökümet ilim diýmez,
diýmez millet kösenmesin,
hor bolmasyn, talanmasyn,
başyn sypar iki ýüzliň,
diýer günde içden, zaryn:
Dünýe dursun, şular dursun!