Kim has sansyz?

Senmi ýa ol, ýa-da olar,
aýdymçy ýa sazandalar,
kinoçy ýa tomaşaçy,
ýazyjy ýa şahyrsumak,
ýa-da başga biri, aldap,
ilki özün, soňra ili,
ynanmaýan işin edýän,
gazanç edýän üstesine,
iki şaýy ýa-da artyk,
adam bolup öz ýanyndan,
geçip uly kürsülere,
jeza berýän, asýan, atýan,
ýa-da çykyp güjeňleýän,
açyp eýle, beýlesini,
wagt ýitirseň, iň dereksiz,
iň azaşan senmi, olar,
ýa sanaşyp samsyk bilen,
subut etjek bolsaň gepiň,
kim nirede galan bolar,
kimler bilen aýak depip?..