Gelmedikler

Özüň bilýäň kimdigiňi,
kime näme etdiň nirde,
ýa özüňe, bilip, bilmän,
gaçdyň haýsy çukurlara,
ýitdiň haýsy tokaýlykda,
ýa oýunda Garagumyň,
içit gözläp, geçir gözläp,
aýan bular saňa, adam,
aýdyp, diýip ýörmeseň-de,
aýna bakyp siňe-siňe,
görseň özüň, görmeseň-de,
goý, ýigrenen, gorkan, ürken
golaýyňa gelmesin hiç,
ýalan-ýaşryk gowusyrap,
çykma ile ir ertir, giç,
geler özi geljekleriň,
gep-gürrüň däl, adam tanap,
gelmedikler, öz işleri,
barýar, belki, başga ýana.