Goşgudaky adam

Eger-de sen özüň görseň, gyzarsaň,
meniň goşgym seniň üçin däl, belki,
sebäbi men kimdigimi aňýaryn,
boýun alýan ýalňyşlarym ozalky,
ýene etjek bilip, bilmän, alaçsyz,
hemem olar hakda gürrüň etmekden
çekinip, utanyp duramok artyk,
özüm bilen gürleşýärin goşgymda,
pent edýärin, törpileýän özümi,
eger-de sen özüň görseň, gyzarsaň,
meniň goşgym seniň üçin, belki-de,
gowy bolar dönseň, özüňe barsaň.