Iň ajy hakykat

Nämeler bolmady dünýede, ilde,
nämeler bolmajak, seretseň, görseň,
düşünmeseň, gözüň ýumsaň başga gep,
ýöne belli, öňden gelýän kada bu,
parhy bolmaz Isa bolup dogulsaň,
çüý tapylar, agaç bolar elmydam,
bolar mydam sesin berýän, ýazgarýan,
ýüzüňe durýanlar, ölüm hökümin
çykarýanlar höwes bilen, işimiş,
Sokrat bolup, gözün açsaň milletiň,
awy berip, dökjek kän bor dişiňi.