Arak zamanasy

Kime gerek many, mazmun,
mantyk kime gerek artyk,
manty, börek zamanasy,
palaw, arak zamanasy,
gykylykla ýygnaklarda,
ýa bolmasa, blogger bol,
aram-aram çygyr, bagyr,
gygyr sesiň ýetdiginden,
eşitjek ýok, bilseň-de bek,
zamanasy bolan bolmaň,
arslan awyn alan bolmaň,
bürgüt awun çalan bolmaň,
adam däl-de, adam sypat,
gowy däl-de, gowy göýä,
dilde bir zat diýen bolup,
ýüregiňi başga söýäp,
oýna oýnun oýunçynyň,
almasa-da asla jynyň,
gahar etseň, utulan sen,
hiç iş etme, işländen bol,
ýogsa borsuň tutulan sen.