Göreş meýdanyndaky göýdüklik

Käbirleri dikeleniň,
ýaralaryň bitip-bitmän,
ýene-de çykanyň ýola,
biliň guşap, çermäp goluň,
synananyň halamazlar,
iliň üçin gerek işe,
käte gaty gysyp dişiň,
dymmasyza dymyp, çydap,
çünki olar sen ýatyrkaň,
ysgynyňa gelip bilmän,
düşegiňden galyp bilmän,
ýolda ýeke bolandyrlar,
bilendirler özlerin han,
emma ýoluň dowam etseň,
öz-özlerin sanar bisan.