Süri sütemi

Süri seni sylamaz hiç,
sygdyrmaz ol içine-de,
eger biri bolmasaň sen,
özlerine kybap, gülýän,
ýa aglaýan özleri dek,
ýa-da içýän, arzan arak,
çilim bolsa, çekýän günde,
ýa nas atyp, naskädiňe
guwanmasaň, daşyn sypap,
ýa-da müýnli, ökünýän dek
geleniňe ýagty dünýä,
başyň aşak, egilmeseň,
ot bolsun ýa saman bolsun,
güne ýanan meýdanlarda,
otlamasaň iller ýaly,
aç bolsaň-da, dok bolmasaň,
süri seni sylamaz hiç,
gözden girden ok bolmasaň.