Parh
“Gurbannazaram, Kerimem nadara, talantsyz adamlardan gaty gorkardy.” Bir ýazyjynyň gürrüňinden.
Meniň ynanasym gelmeýär muňa,
dogry, nadaradan çekiler her kim.
Ýöne gorkmak başga, çekilmek başga,
başga bolşy ýaly gowşagyň, berkiň.
Bilýän biraz Gurbannazar, Kerimi,
goşgularny okap, derňäp pikirni.
Olar gorkan däldir boşdan, gedemden,
emma bilendirler durmaly ýerni.
Sebäp ýakyn dursaň, ýa-da getirseň
bir gapak, depegi golaý-goltuma,
ol ilki aňňyrar uzyndan-uzyn,
soňra tozan turzar agynap guma...
()