Orun meselesi

Parižde, gün-güzerany erbet däl,
bir aýal ýazypdyr meniň ahwalym,
üç ýyl ozal, geçen dördünji ýyla,
oýanýaryn gijäň ýary, ýa daňdan,
telefonym açyp, göz aýlap çala,
ilki bilen görmelini görýärin,
gerçek ogul ýerindemi, ýerinde,
ýa täzeden başym goýýan ýassyga,
ýa okaýan habarlaryn dünýäniň,
ilki kofe, soňra ýoluň gyssagy,
iş-alada ýetik günde, ýetmeli,
şükür, umyt berýär gerçek ogullar,
gerçek gyzlar, öz ornunda göreşýän,
hemem, arman, galýar ornunda gullar.