Beýiklik ugrundaky peslik

Olar biri-birin tanasa biraz,
sylasalar bir-biregi azajyk,
gorasalar, aýasalar, iň bolman,
ýigrenmese, satmasalar mugtuna,
ýa uzakdan sögmeseler keýpine,
urmasa, depmese eline düşse,
dogry, gowulykda tanalardylar,
sylanardy ulus ýaly, il ýaly,
emma bir-biregi basýarlar aşak,
belki, şeýdip beýik bolmak hyýaly,
pikiri bar, heläk edýän baryny,
kimi görseň, köýdüren dek aryny.