Hakykat

Sen bilýärmiň hakykatyň H-syny,
eger bilseň, ýeterlik däl bileniň,
sen ony aýtmaly içiňden ilki,
soň daşyňdan, inkär etseň öleniň,
öldürleniň dirilikde, meýletin,
sallançakda bogjak adamlar görüp,
alardanda gözlerini, döwletiň
ýa iliň adyndan gürläp ýürekden,
sen bilýärsiň hakykaty aýdany
nädýänlerin, belki, kesip çörekden,
diýmek, gözenegiň iki tarapy,
birisi kaýyllyk, beýleki pitne,
sen özüňe saýlamaly, almaly,
kim nirä çagyrsa ýa diýse gitme.