Durmuş we sen

Bu seniň durmuşyň, başga birleri
çyzmaly däl çyzyklary hemişe,
geçmeli ýa bärisinde galmaly,
sesiňi çykarman, ätmän ädimiň,
eger muňa düşünmeseň, düşünip,
düşünjäňe eýermeseň hiç haçan,
aýyplarsyň başgalary hemişe,
ömür-ahyr bolup özünden gaçan,
gorkan, belki, durmuşyndan, gurmaly,
garaşma hiç adam, alla ýetişip,
seni yklap, ýele garşy durmaly,
goramaly siňek, çybyn, çirkeýden,
ulalaňsoň, ese-boýa galaňsoň,
bu seniň durmuşyň, ýa-ha alarsyň,
ýa aglarsyň, gol gowşuryp galaňsoň.