Özüne gelen adam

Nirelerden geldiň, adam,
geçdiň haýsy otdan, suwdan,
nirelerde bolduň, adam,
haýsy batga batdyň ýolda,
haýsy kölde galdyň, adam,
nirelerde agladyň sen,
nirelerde güldüň ýadap,
nirelerde, kim sögende,
kim uranda öldüň, adam,
töhmetçiniň daşy bilen,
nirelerde jaýladylar,
nirelerde bolduň mazar,
nirelerde dirildiň sen,
nirelerde dikeldiň soň,
aýagyňa galdyň, adam,
hem özüňi tanamadyň,
hem kimdigiň bildiň, adam?!.