Zorluk meselesi
Aýdyjy akmak bolsa, diňleýji dana gerek. Türkmen nakyly
Gerek bolsa, uzak gije,
uzakly gün zorla iki gulagyň,
gözleriňi zorla, kelläňi zorla,
diňle, eşit eşitmeli sözleri,
oka, synla, görmelini görjek bol,
düşünjek bol düşünmelä öňünden,
aýaklaryň zorla, elleriň zorla,
ýöre, ylga, çek özüňi, galdyr kän,
uzyn diliň zorlamankaň,
zorlamankaň agzyňy sen,
hemme sözüň ýa goşulmaň
deň bolmaýar agramy, bil,
ýa agramy deň bolmaýar adamyň,
ol agzyn açanda, tanadýar özün,
sen özüňden başla, gygyrman ilki,
soňra ýalňyşyňy düzetjek bolman,
öte geçip, düzetmersiň ýurduňy,
bozulan dünýäniň obasyn diňe,
bir çetini görüp uly suratyň,
arlama öz sesiň eşitmän, ýadap,
azajyk, azajyk boljak bol adam!