Aýatda bolmak şerti

Sen bilýärsiň, arkaňda däl ol adam,
hak iş üçin öňe çyksaň, ýykylsaň;
sagyňda däl, soluňda däl, görmersiň,
öňüňde däl, düşjek bolsaň yzyna,
ýöne bir gün deň bolmadyk söweşde,
ýaralansaň, çökerilseň dyzyňa,
tapylar ol, dili uzyn, duzlajak,
eli uzyn, urjak bolar başarsa,
gara guma garjak bolar başarsa,
arkaňda-da durandyr ol seretseň,
sagda, solda, öňde hatda,
goý, her neneň geň görünsün, göreşseň,
diňe şeýle galyp bolar aýatda.