Agyr ýoluň tejribesi
We can count on so few people to go that hard way with us. Adrienne Rich
Kötel ýolda, uzak ilde, näbelli,
gepi-sözi düzüw ýaly-la diýip,
kim-kimlere ynanýarsyň, gelýärsiň,
pylankes, bolupdyr DIM-iň başlygy,
pylança dil bilýär, öňki diplomat,
emma ýanda bir adam ýok seretseň,
iş etmeli bolsa, gitmeli bolsa,
aýdaly, dil getirmäge ýurt aşyp,
emma il-gün diýýär diňleseň gepin,
ynanasyň gelýär, umyt edýärsiň,
ýapjak bolýaň bolsa açylan sepin,
emma ol, iş etseň, dyzaýar beter,
ahyrynda açyk görýärsiň çepin:
oňa dollar gerek, a saňa heder,
hatar bar, yzyňa gidip-gelmeli,
soň ýazmaly, paş etmeli o birin,
bu biri gaharly ýa-da hemleli,
taýýarlan žurnalyň äkit, sat diýýär,
süýde siňe bakyp, görýärsiň haýýar,
stalinçi, ýanyp duran kommunist,
üstesine gowy görýär pul-maly,
bir senden däl, dogan-gardaş, ilinden,
hem geň ýeri - iň gorkýany aýaly,
kötel ýolda, uzak ilde, näbelli,
akyl gelýär, ursa tekäň biliňden...