Men beýik namalar ýazjakdym munda

Men beýik namalar ýazjakdym munda,
sary pesliklere per bermejekdim...
Dostlarym gidende zary-girýanda,
duşmanym gidende ýer sermejekdim...

Bilmen, menden munda näme galypdyr,
bahyllykmy, bahyllardan ýokuşan?
Ýagşylygym biljek ýalňyz halykmy,
derýa içre derdim bile okuşan?!

Mahmal belentlikler, kämil ýaýlalar,
ýoluma bakan deý ylgap gelipdim;
men haçan özüme gelem, aýňalam,
haçan meň agramym artar ýelekden?!

Haçan ganatlarym berkär, äkider,
ak göwnümiň alyslygna, asmana;
aýlar meni aýlar, öwrer, hek eder,
ýyllar geler gasyn-gasyn gasmana...

Beýik namalardan hyýal galypdyr,
peslik depe bolup alypdyr öňüm;
dostlarym gidipdir, bir tap-halymdyr,
duşmanym gidende hoş ýaly günüm...