Sürlen ýere gözüm gidýär

Sürlen ýere gözüm gidýär şeýle bir,
hemem güýzlük ekinlere;
olar üçin gyşyň, garyň gamy ýok,
bir uransoň kökün ýere.

Käşgä, diýýän, adam özüni sürüp,
bajak-bajak edip, taşlap bilsedi;
hemem her gyş aklyk alyp ak gardan,
ýaz glende bir gaýgysyz gülsedi.

Sürlen ýere gözüm gidýär, nädeýin,
adam özün sürüp bilmeýär ýer deý;
ol alaçsyz adam-adam oýnaýar,
hemem gara ýüzne çekýär ak perde...