Belent agaçdan asyň
Suduň zalynda soňky söz berlende okalan goşgy
Belent agaçdan asyň,
selme-syrkyndan asmaň,
dardan assaňyz eger, --
üzlüp bilmen wagtynda,
aýagym ýere deger!?.
Ata süýretdik diýip,
gök eşege iltemäň,
bedew saýlaň ýyldyrym deý,
tike-tike bolaýyn,
namysdan boglup ölmän!?.
Gark edeli diýseňiz,
çykaryp belent gaýa
taşlaň umman derýaga
ýa-da agzyna gatlaň, --
ýüzeý-ýüzeý gulaçlap,
demden galyp gideýin,
ýata suwda porsatmaň!?.
Ýeň astynda gizlenen
naşyja hem namartja
naganjyk bilen atmaň
ahmal wagtym ýeňseden, --
geliň, döşden çeneniň,
goşa bolsun ses eden!?.