Dogry sözlä duşman bolmaň

Dogry sözlä duşman bolmaň,
dost bolmak
eňil däldir, agyr çeniňden gaýta.
Düzüwmiň -- siltärler,
dalarlar, bu hak,
paýyň ýagşysy ger otdan hem gaýdan.

Dogry sözliň dosty ýokdur, elbetde,
hemem dogra yrylmaýan ýürek ýok.
Adam çekip, çydap, çöküp ezetden,
diýer ahyr: “Dogrulykdan derek ýok.”

Dogry sözlä duşman bolmaň,
kynlygyn
bilýän dost bolmagyň çenden-çakyňdan.
Dogry söz syndyryp şalyk-hanlygyn,
çykyp gelýär kän-kän egriň hakyndan.

Dogry bolmak kyndyr,
hergiz dogrynyň
gybatyny etme bile-göre sen.
Tarypyny ýetir egri ogrynyň,
der dökmegil hasyl bermez ýere sen.

Dogry sözlä duşman bolmaň,
kyndyr-la,
belki, has kyn hile bil al ýoly.
Dogry sözi bile-gere syndyrma,
bile-gere egrä ýaran bolmaly!..

Dogry sözlä duşman bolmaň!..