Maňa düşünmezler, bilýän

...maňa düşünmezler, bilýän:
owal çal çekgeli atam düşünmez,
ýüzün sowar ter sakgally oguldan.
Bagryn ganlar üýen enem düşünmez,
bihabardyr kalba dolan dowuldan.

Düşünmez agalar, ini düşünmez,
uýalar düşünmez, gepdir-gürrüňdir.
Gygyrsam depesi, diňi düşünmez,
düşündirin diýip ýanaryn men bir.

Düşünmez derdimi diýenim ýarym,
ýagym ýamanyna, küýenin arym.
Ertede, armanda agtar ogullar,
tapar duman içre asylan darym.

Egmänim baş, epmän -- bilim düşünmez,
ezelden ylhamym -- silim düşünmez.
Gara güni gara başyna gaýgy,
güzeranyň guly -- ilim düşünmez.

Maňa düşünmezler, bilýän!