Türkmençilik

Türkmençilik näme, soradylar kän,
emma anyk jogap beren bolmady,
boldy çöp-çalama uran, bulaşan,
hem ýykylan daýanmady, galmady...

Daýanmak ne, bir-birini depeläp,
ýurdundan gaçyrsa, hoş boldy millet,
türkmençilik, meger, şundan çen tutsaň,
başga zat däl, diňe minnet.

Türkmençilik – ýalançylyk, belki-de,
alla, hudaý diýmek diliň ujundan,
ýüregiňden ynanmazlyk hiç zada,
ýa ynanmak diňe mala, şöhrada,
goý, ol ogurlanan bolsun aç-açan,
ýa ýeňsesi açyk, hatda çaga-da,
garyp ösen, lälijek däl,
gülsün seniň kimdigiňe düşünip,
türkmençilik, belki, pyýada geçmek,
hyýalyňda at münüp?

Türkmençilik, belki, dymmak mydama,
ýa ýalandan başyň atmak, goldamak,
goltgy bermek nirede pes adama,
ýa galmagal, nadaralyk, kim näme,
ýa-da özüň näme diýýäň, bilmezlik,
arasynda sümmek gamyş, syrkyna,
garaşmak bişerne mugt düşjek mantyň,
hem hiç haçan hiç mantyga gelmezlik.